1494. - Abbaye de Molesme

Archives départementales de la Côte-d'Or, 7 H 1289

1^er document

Informacion faicte par moy, Jehan Harpin, sergent à/ cheval du roy, notre sire, ou bailliaige de Troyes, par vertu des certaines lectres de commission émanées/ de la court du Chastelet de Paris dactée du huitième/ jour d'octobre l'an mil IIIIC IIIIXX quatorze/, ausquelles lectres est actachée une requeste escripte/ en papier à moy présentées pour la partie de/ religieuse et honneste personne frère Guillaume/ Tabourel, prebstre, prieur de Fouchères, membre/ deppendant de l'abbaye de Molesmes, par/ lesquelles lectres de commission, m'estoit mandé/ et commis appellé avec moy ung notaire ou/ tabellion de court, laye, de faire information/ du contenu en ladite requeste, circonstances/ et deppendances, pour laquelles informacion/ faire selon ce que mandé et commis m'estoit/, me suis transporté au lieu de Fraignignes (Fralignes)/ auquel lieu présent Jehan Pasquin, notaire royal/ en la prévosté de Romilly (Rumilly) lez Vaudes, j'ay vacqué/ au fait de ladicte informacion selon et ainsi/ qui s'ensuit./
Et premier le mercredi XIIme jour de/ novembre l'an mil IIIIC IIIIXX et de/ quatorze./

Jehan Bouvier, laboureur, demourant audit/ [...]

[...] Fraignignes, aagé de XXXVIII ans ou environ/ tesmoing produit et à moy présenté pour/ estre examiné sur le contenu esdites requeste/ et commission. Dit et deppose par serment/ que dès le temps de sa jeunesse, il a eu comme/ encores a, bonne congnoissance d'un nommé/ Julyen le Besgue, laboureur, demourant audit/ Fraignignes, lequel dès long temps a/ il l'a veu demourer comme encores fait de/ présent audit Fraignignes, et dit que environ/ les festes de Saint-Loup et Saint-Estienne/ ou mois d'aoust darrenièrement passé/ il oyt dire audit Julyen que en une pièce/ de terre contenant trois arpens ou environ/ séant ou finaige dudit Fraignignes, ou/ lieudit Protel, laquelle dès certain/ temps avant, il avoit prins et retenu à tiltre/ d'actencissement de vénérable et discrecte/ personne frère Guillaume Tabourel, religieux/ de Molesmes et prieur du priorté de/ Fouchères, il avoit trouvé en fréquantant/ [...]

[...] et deffrichant icelle certaine quanté de/ pièces d'or, laquelle quantité il/ ne déclara point. Ancor dit que environ/ quinze jours après ladite confession, luy déposant/ estant audit Fraignignes, vit que messire/ Philippe de Lenoncourt, chevalier, seigneur de/ Loches, acompaigné de certain nombre/ de gens embastonnéz d'arcs, arbalestes, voulges,/ espées et aultres bastons invasiz, arriva audit/ Fraignignes et entra en la maison dudit/ Julyen en laquelle il fut par demye/ heure ou environ, et depuis le vit yssir/ dehors, icellui tenant en son poing ung/ drappelet ouquel apparoit avoir quelque/ chose comme or ou argent ou aultre chose/ semblable, et disoient les assistans tant/ dudit villaige que ceulx qui estoient environ/ ledit seigneur que oudit drappelet/ estoient lesdictes pièces d'or que ledit Julyen/ disoit avoir trouvées en ladite pièce de terre./ [...]

[...]Et se transporta ledit seigneur et sa/ compaignie sur la pièce de terre cy dessus/ désignée, laquelle pièce de terre luy/ depposant par la congnoissance qu'il dit/ avoir d'icelle fut estre scituée en l'estandue/ du finaige dudit Fraignignes comme l'on/ dit et en laquelle comme estant dudit/ finaige luy depposant avec aultres dudit/ Fraignignes durant le temps qu'elle estoit/ en essart a esté plusieurs fois cosper du/ boys pour sa nécessité comme usaiger/ sans ce que jamais il oyt dire qu'elle/ ne feust dudit Fraignignes ne aussi jamais/ empeschement ne luy fut mis ne aux/ autres habitans dudit Fraignignes, sur/ laquelle pièce de terre estoit ledit Julyen/ lyé sur ung cheval détenu prisonnier et/ gardé par les gens dudit chevalier, lequel/ chevalier estant sur ladicte pièce de terre/ [...]

[...] dist haultement telz motz en monstrant/ ledit drappelet et en contant les pièces/ d'or et d'argent qui y estoient, lesquelles/ ledit depposant ne peust apparcevoir/ pour ce qu'il estoit assez loing, le voicy/ le voicy, et disoient les assistans qu'ilz/ avoient veu que c'estoient pièces d'or et que/ la femme dudit Julien les luy avoit baillées/ oudit hostel. Requis se il congnoist/ point les personnaiges que ledit chevalier/ avoit alentour de luy, embastonnez et/ autres, dit que en la compagnie/ dudit chevalier il vit et apparient/ ung nommé Jehan Mareschault, alias/ Chalebault, lequel tenoit par le frain/ le cheval dudit Julyen prisonnier/ comme dit est, Jaquot Thibault, Pierre/ Benard et autres, tous embastonnez comme/ dit est cy dessus. Et ce fait, icelluy/ chevalier se départit et emmena ledit/ [...]

[...] Julyen tout prisonnier par devers ledit lieu/ de Loches. Ne scet au par dessus se depuis lors/ icellui Julien a esté détenu prisonnier audit/ Loches ou autre part, sinon que environ/ deux ou trois jours après, il vit icellui/ Julyen retourner audit Fraignignes, lequel/ dist à luy déposant que il avoit esté/ détenu prisonnier audit Loches depuis/ le temps qu'il fut emmené de dessus/ ladicte terre de Fraignignes jusques/ alors. Et plus ne autre chose du/ contenu esdites commission et requeste/ depposer ne sauroit, sur ce requis et/ examiné.

2^e document

Depposition de Julien le Bègue, prisonnier es prisons de religieuse/ et honneste personne, frère Guillaume Thabourel, prieur de Fouchères/ à cause de sondit prioré, seigneur dudit Fouchères et Franignes, ladite déposition/ faite en présence de nous, Jehan Furny, lieutenant de honorable homme/ Nicolas Coffinel, prévost de Rumilly et Fouchères, icellui Julien/ le Bègue par nous interrogué en présence de Thomas Essart/ greffier de ladite prévosté./

Premiers/ Le XXIIe jour du mois de septembre l'an mil IIIIC IIIIXX/ et XIIII à Fouchères./
Julien le Bège deppose par foy et serment de vérité aux saints,/ interrogué que de l'argent dont question est, ilz en trouva la/ quantité de soixante et dix-huit pièces d'or dont monseigneur de/ Loches en a eu la quantité de cinquante et six pièces dont y a/ cinquante demy moutons ung franc à pied et le revenant tous/ ecus de roy et escus de Toulouze au pied dessus dit/, du résidu qui sont vingt et deux pièces, dit en avoir despensé/ c'est assavoir unze livres tournois pour acheter ung cheval/, trois frans ou environ pour harnacher ledit cheval de charret/ et autres choses propres audit cheval, item baillé à Nicolas/ Chatouru la somme de vingt gros que ledit Julien luy devoit/, item six livres bailées par ledit Julien à messire Victor/ Gigault, recteur dudit Franignes, item treize gros à messire/ Gille Gigault demorant à Vallenore, item dix-huit gros pour/ deux voistures de foing qu'il a acheté de Jehan de Virey/, item trois frans pour une vache qu'il a acheté de Thevenin/ Cassin alias Conversot, cordonnyer, demorant à Bar-sur-Seine, item cinquante solz baillés audit Thévenin que ledit Julien luy devoit du/ temps passé, item en l'ostel de Lorens du Moulinet, marchant/ demorant à Troyes, trois frans neuf gros, lesquieulx ledit Moulinet/ garde audit Julien, dit outre ledit Julien que ledit Moulinet luy en n'a/ changé la quantité de douze pièces d'or, c'est assavoir trois demy/ moutons à la somme de XIII gros et demi chacune pièce et neuf escus vielz/ au pris de vingt et ung gros chacune pièce, item ledit Julien dit/ que sa femme en avoit trové trois pièces, lesquelles pièces ne scet/ que sa femme en a faict./ [...]

...] Dit outre que le lieu où il a trouvé ledit argent est/ comprins en une pièce de terre contenant trois arpens au lieudit/ Parotel, séant ou finage de Franygnes, lesquieulx trois arpens/ de puis six ans ensa il a eu du roy et du prieur/ de Fouchères comme bien vacant chargé chacun arpent de deux deniers/ de censine tous les ans envers le prieur dudit Fouchères/. Lequel Julien a tousiours tenu, jouy et usé paissiblement/ dudit héritaige sans aucun détour, vice ne empeschement comme/ estant en ladite seigneurie dudit Franygnes. Dit outre que fut bien/ que le censureur dudit Franygnes à tousiours levé le disme/ oudit héritaige. Item les justiciers officiers dudit Franignes/ font oudit héritaige tous exploix comme prinses et autres choses/ oudit héritaige, sans aucun empeschement. Dit outre que le seigneur/ de Louches, le samedy veille de/ Saint-Batholémie darnier passé, par ses officiers et sergens/ au lieu de Chauffour luy feust prandre et constituer prisonnier/ luy qui parle et le tint tout la nuyt en prison audit/ lieu de Chauffour et le dymenche matin après, ensemble ledit seigneur/ de Louches acompaigné de Pierre Benard, Thibault de Mur, Jaquot/ Thibault, Baudet Guillaume, Jehan Mareschau alias Charebault, Pierre Henry / Gilot Doney et plusieurs autres, juques au nombre d'environ XVIII/, tous en batonnés de batons invassibles comme arbalestres,/ veidées fairnyes de trest de guerre, de espiedz, javelinnes,/ espées, dagues et autres batons, se transporta/ audit Franignes en la maison dudit Julien et illec/ à force et violemment hosta à la femme dudit Julien la quantité de/ cinquante et six pièces d'or qu'il print à son escrin, c'est à celles/ comme dessus est dit, et d'ilec ledit seigneur transporta ledit Julien prisonnier/ au lieu de Louches et là l'a tenu prisonnier par l'espace de/ trois jours entiers,et juques a dict que ledit Julien outre son/ geurre et voulente luy a faict desdites cinquante six pièces d'or et plus n'en scet/. T. Essart./

Censureur (censuaire) : fermier, amodiateur
Drapelet : menu linge
Vouge : hallebarde ou faucille.

> version imprimable