Nous vous informons que le délai de traitement des demandes de reproductions numériques sera momentanément plus important que d'ordinaire. Nous vous remercions de votre compréhension.
Document 4 - Sauvegarde accordée à divers villages (Jura)
1498.— Chambre des comptes de Dijon.
Sauvegarde accordée par le maréchal de Baudricourt aux habitants de divers villages de l’actuel département du Jura.
Archives départementales de la Côte-d'Or, B 11889.
[Recto]
Le mareschal de Baudricourt lieutenant general
et gouverneur pour le Roy en Baurgogne1
Deffendans a tous cappitaines et gens de guerre
tenans le party du Roy nostredit seigneur tant de ses
ordonnances que autres que ès paroisses
de Chevigney, Menostey, Jouhé, Champvans,
et Champaigney, et ès villaiges de
Monniere, Sampans, Moissey, Fresne et de
Paintre, estant ou conté de Baurgogne,
ilz ne courent, preinent prisonniers, pillent,
ne facent autre exploictz de guerre
durant ce present mois d’octobre, ains laissent
les habitants d’iceulx y estre et demourer
recueillir leurs biens et faire tous les
autres negoces ainsi qu’ilz faisoient au-
paravant la guerre commancée, pourveu
toutesvoyes que par eulx au aucuns d’eulx
ne soit fait, dit au pourchassé
chose preiudiciable au Roy nostredit seigneur
ses pays et subgetz, lesquelz villaiges
ensemble lesditz habitans et tous et chacuns
leurs biens nous avons prins et mis,
prenons et mectons par ces presentes en la
garde du Roy nostredit seigneur et la nostre
[Verso]
durant cedit mois. Actendu qu’ilz se sont
espatiz a quelque somme d’argent paur
convertir et emploier en certaines reparacions
que presentement se font en la ville
d’Auxonne. Dauné a Diion le
second jour d’octobre l’an mil IIIIc
IIIIXX et dix huit. Ainsi signé
Baudricourt.
1. Jean de Baudricourt (1435-1499), maréchal de France (1486) et gouverneur de Bourgogne (1481-1499)